Allatseqarfik

Ilisimatusarnermut Siunnersuisoqatigiit Allatseqarfiat upernaami 2015-imi pilersinneqarpoq Pinngortitamut, Avatangiisinut Ilisimatusarnermullu Naalakkersuisoqarfimmi inissisimalluni.

Allatseqarfiup Ilisimatusarnermik Siunnersuisoqatigiit ingerlaneranni ilisimatusarnermi siunnersuinermut aningaasaliinermullu inatsit eqquutsinnissaanut isumannaassavaa makkuninnga ilaatigut imaqartoq:

Nunatsinni ilisimatusarnermi suliniutinik ataqatigiissaarineq pingaarnersiuinerlu, Nunatsinni nunanilu allani ilisimatusarnermi suleqatigiinneq nukittorsarlugu, ilanngullugu Nunatsinni ilisimatusarneq pillugu akunniliulluni paasititsiniaaneq annertusarlugu.

Allatseqarfiup Siunnersuisoqatigiinnik tapersersuinissaq pingaarnertut suliassaraa tamatumanilu ilisimatusarnermi politikkikkut anguniakkat pingaarnerit piviusunngortinniassallugit. Allatseqarfik Siunnersuisoqatigiit iluanni, ilisimatusarnermik suliaqartuni tamanilu attaveqaatitut ingerlassaaq.

Siunnersuisoqatigiit allattoqarfimmit arlaannaannulluunniit attuumassu-teqanngitsumik sullinneqarput naalakkersuisoqarfimmut Siunnersuisoqatigiit qaqugukkulluunniit attaviannit. Allatseqarfiup suliassai annertussusaalu pillugit Siunnersuisoqatigiit naalakkersuisoqarfiullu isumaqatigiissutaanni nassuiarne-qarsimapput. Allatseqarfiup assigiinngitsut suliarai, makku ilaallutik:

Missingersuusiorneq aningaasaqarnermullu malitseqartitsineq.

  • Naalakkersuisoqarfiit iluini avammullu tamanut attaveqaqatigiinneq.
  • Siunnersuisoqatigiit ilisimatusarnissamut aningaasanik qinnuteqaqqusinerat aamma tunniussinerat/itigartitsinerat kiisalu nalunaarusiortarnerat, matumani qinnuteqaqqusinermi piumasaqaatinik ersarissunik nassuiaanerit pillugit tamanut attaveqaqaatigisarneri kiisalu ilisimatusartunut tamanullu siunner-suisoqatigiit nalunaaruteqartarnerat.
  • Kalaallit Nunaanni ilisimatusarnernut paasissutissanut kisitsisit atorlugit nassuiaasiorneq.
  • Siunnersuisoqatigiinnut suliaqarnissanut qinnuteqateqaatinut tunngasunik kisitsisit atorlugit nassuiaasiorneq.
  • Kalaallit ilisimatusartut innuttaasullu aamma nunat tamalaat akuuffigisaannik Kalaallit Nunaanni imaluunniit Kalaallit Nunaat pillugu suliniutaat pillugit ataqatigiissaarineq.
  • Politikkikkut inuiaqatigiinniluunniit ineriartornernut tunngasunik Siunnersuisoqatigiinnut misissueqqissaarnerit.

 

Nunatsinni Ilisimatusarnermik Siunnersuisoqatigiinni allatsiuvoq MSSc Arnajaaq Lynge.
CV’a uanitakuuk.

Allatsi Arnajaaq Lynge

e-mail: arnl@nanoq.gl
tlf. nr.: +299 34 57 61