2017

Maaji

Nunatsinni Ilisimatusarnermik Siunnersuisoqatigiinni siulittaasunngorlaaq Josephine Nymand ilaasortanngorlaarlu Lotte Frank Kirkegaard UArctic Council Meeting 2017-imi peqataapput, pingaarnertut paasiniarlugu Nunatsinni Ilisimatusarnermik Siunnersuisoqatigiit tassani ilaasortanngussanersut.

Ataatsimeersuarnermi pilersaarusiaq ataatsimut isigalugu uani takuuk

Ataatsimeersuarnermi pilersaarusiaq tamaat uani takuuk

Apriili

Nunatsinni Ilisimatusarnermik Siunnersuisoqatigiinni Ilaasortaq Morten Meldgaard Qitiusumik IlisimatusarnermikIlisimasanik Paarlaasseqatigiiffik (ForskningsHUB) pillugu saqqummiiartorpoq, eqimattakkaarlunilu sullivinni Allatsi Arnajaaq Lynge peqatigalugu ataatsimeeqataalluni.

Isumasioqatigiinnermi pilersaarut uani takuuk

Ilaasortap Morten Meldgaardip saqqummiussaa uani takuuk

Saqqummiussinermi allagartarsuaq uani takuuk

 

Martsi aamma apriili

Nunatsinni Ilisimatusarnermik Siunnersuisoqatigiit Allattoqarfiani Allatsi Arnajaaq Lynge ASSW2017 (Arctic Science Summit Week 2017) aallartitatut aamma APECS (Association of Polar Early Career Scientists) ilaasortaaffittut peqataaffigiartorpai.
ASSW2017-imi ilisimatusartunik sullissisut aamma ilisimatusartut eqimattakkaarlutik saqqummiinertallit oqallinnerani peqataaffigai.

Allatsi Arnajaaq Lynge APECS-imi  immikkut oqalugiartussatut aggersarneqarpoq, oqalugiaat uani takuuk

 

Martsi

Nunatsinni Ilisimatusarnermik Siunnersuisoqatigiit Akilinermut paasiniaajartorput. Angalaneq martsip 13-ianinngaanniit 23-ata tungaanut pisussaagaluaq Nunavumi Iqalunnut timmisartup kinguaattoornera peqqutaalluni Iqalunnut paasiniaajartornissaagaluaq unitsinneqarpoq. Taamaakkaluartoq paaserusutat amerlanerit Torontomi Ottawamilu ataatsimeeqatigineqartunit tunniunneqarput. Paasineqarpoq ilisimatusarnermi aningaasaliissutik tunniussinermi piumasaqaatit Nunatsinnut tulluarsarneqassasut, soorlu ilisimatusarnermi inuiaqatigiinnik ilanngussisarnissaq piumasaqaataasinnaasoq akunniliullunilu sullissinermi paasissutissanik tuniorarneqarnerussasut.

Uani angalanissamut tunngasoq imaqarniliaq atuaruk

Uani angalanissamut tunngasoq nalunaarut atuaruk

 

 

 

Jannuaari aamma februaari

Arnajaaq Lynge Savalimmiuni

Nunatsinni Ilisimatusarnermik Siunnersuisoqatigiit Allattoqarfiani Allatsi Arnajaaq Lynge jannuaari aamma februaari ilanngullugu Ilisimatusarnermik Ataqatigiissaarisoq Sten Lund Namminersorlutik Oqartussani IKIIN’ip Ilisimatusarnermik Suleqatigiinniianeersoq peqatigalugu Savalimmiunut paasisassarsiorpoq. Savalimmiuni Ilisimatusarnermik Siunnersuisoqatigiit Granskingar-rađiđ ingerlariaasiat paasiniaaffigineqarpoq ilisimatusarnermik suliffeqarfiit ilanngullit.
Paasisat ilagaat Allattoqarfiup Ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat nr 5 29 november 2013-imeersumi anguniakkat tamakkiisumik piviusunngortissaguniuk arlalinnik sulisoqalertariaqartoq ilisimatusarnermilu aningaasaliissutinik tunniussinermi periutsit pitsanngorsarneqarsinnaasut.

 

Jannuaari

Isumasioqatigiinneq ‘Piniariarneq’ HHE’p ataatsimiittarfiani Nuummiittumi ulloq jannuaarip 24-ani ingerlanneqarpoq. Ilisimatusartut piniartullu suleqatigiillutik Avanersuarmi misissuineq ingerlappaat. Saqqummiunneqartuni paasineqarpoq piniarnermut inatsisit silap allanngornerata kingorna tulluarsaqqitassaasut.

Qaaqqussut uani takujuk
Nalunaarusiaq ani atuaruk
Iluarsartuullugu pilersaarusiaq NOW paasisaqarfiginerorusukkukku una nittartagaq alakkaruk www.now.ku.dk