Saqqaa

Kalaallit Nunaanni Ilisimatusarnermut Siunnersuisoqatigiit (KVUG) 2012-ip naanerani atorunnaarsinneqarmat Kalaallit Nunaanni Siunnersuisoqatigiit apriilip aallaqqaataani 2014-imi pilersinneqarput.

Kalaallit Nunaanni Ilisimatusarnermut Siunnersuisoqatigiit ilisimatusarnermik sammisat tamaasa aallartitaqarfigaat:

  • Pinngortitalerineq
  • Peqqissusilerineq
  • Inuiaqatigiilerineq
  • Inulerineq (humaniora)
  • Teknologii

Ilaasortat arfineq-pingasuusut ukiut pingasukkaarlugit toqqarneqartartut ukiumut minnerpaamik immikkut ataatsimeersuartarput. Ilisimatusarnermik Siunnersuisoqatigiit namminneerlutik suleriusissamik najoqqutassiortarput Naalakkersuisunit akuerineqartussamik.

Nunatsinni Ilisimatusarnermik Siunnersuisoqatigiivisa Suleriaasissaat uani aajuk (Danskisut)

Naalakkersuisut siunnersuisoqatigiit siulittaasuat ilaasortallu inuttut piginnaasaat toqqammavigalugit toqqartarpaat isumaqarlunilu ilaasortat ataasiakkaat suliaminnut tunngasumik piginnaasaat misilittagaallu aallaavigalugit toqqarneqartartut.

Ilaasortaq kingusinnerusukkut atorfimminik allannguinermini namminerisamik ilaasortaanini attatiinnarsinnaavaa.

Nunatsinni Ilisimatusarnermik Siunnersuisoqatigiit nuna tamakkerlugu namminersorluni Nunatsinnut iluaqutissanngorlugu kattuffiuvoq, taamaammat siunnersuinermini ingerlanerminilu Naalakkersuisunit ilitsersorneqartussaanani.

Nunatsinni Ilisimatusarnermik Siunnersuisoqatigiit Nunatsinni ilisimatusarneq siuarsarlugulu nukittorsarlugu suliaqartuupput, matumani Nunatsinni sorlaqartillugu iluaqutigitillugulu.

Nunatsinni Ilisimatusarnermik Siunnersuisoqatigiit PhD aamma PostDoc suliffeqarfimmilu PhD-nut, Ilisimatusarnermik Siuarsaanermik aningaasaliissutinik qinnuteqaatinik naliliisarpoq, ilanngullugu Ilisimatusarnermik Siuarsaanermiit ilisimatusarnermik aningaasaliissutinik agguaasarluni.