Namminersorlutik Oqartussat

Kalaallit Nunaanni Ilisimatusarnermut Siunnersuisoqatigiit nunani tamalaani ilisimatusartunik, ilisimatusarfinnik ilisimatusarnermillu avatangiisilinnik suleqateqarnerup ineriartortinneqarneranik suliaqarput.

Issittumut tunngasunik ilisimatusarnermut nunani tamalaani soqutiginninneq suli annertusiartorpoq, pingaartumik immikkoortut avatangiisit, silap pissusaa, pinngortitamit isumalluutit, inuiaqatigiit ineriartornerat aamma nuna pillugu naalakkersuinikkut ingerlatsinerup iluanni.

Nunat avannarliit saniatigut, Issittumi ilisimatusarnermik soqutiginninnermik takutitsisut naalagaaffiit amerlassusaat amerliartorput, nunanilu taakkunani arlalinni issittumi ilisimatusarfinnik imaluunniit ilisimatusarfinnik issittumi pissutsinik suliaqartunik pilersitsisoqarsimalluni.

Kalaallit Nunaanni ilisimatusarnermik avatangiisillit takussaanerulersinniarlugit ilisimaneqarnerulersinniarlugillu aamma nunani allani ilisimatusarnermik avatangiisillit qanillattortinniarlugit Kalaallit Nunaat nunani tamalaani attaveqaqatigiittarfinnut, soqutigisaqaqatigiiffinnut ataatsimiititaliarsuarnullu amerlasuunut issittumi ilisimatusarnermik suliaqartunut suleqataalluni peqataalereerpoq.

Namminersorlutik Oqartussat Ilisimatusarnermi politikkiat:

http://naalakkersuisut.gl/kl-GL/Naalakkersuisut/Naalakkersuisoqarfiit/Uddannelse-Kultur-Forskning-og-Kirke/Uddannelse-og-Forskning/Forskning/Forskningspolitik

 

Namminersorlutik Oqartussat akuersissutit pillugit:

http://naalakkersuisut.gl/kl-GL/Naalakkersuisut/Naalakkersuisoqarfiit/Uddannelse-Kultur-Forskning-og-Kirke/Uddannelse-og-Forskning/Forskning/Forskningstilladelser